અથર્વવેદ · અધ્યાય 12.7

સૈષા ભીમા બ્રહ્મગવ્યઘવિષા સાક્ષાત્કૃત્યા કૂલ્બજમાવૃતા

સર્વાણ્યસ્યાં ઘોરાણિ સર્વે ચ મૃત્યવઃ

સર્વાણ્યસ્યાં ક્રૂરાણિ સર્વે પુરુષવધાઃ

સા બ્રહ્મજ્યં દેવપીયું બ્રહ્મગવ્યાદીયમાના મૃત્યોઃ પડ્વીશ આ દ્યતિ

મેનિઃ શતવધા હિ સા બ્રહ્મજ્યસ્ય ક્ષિતિર્હિ સા

તસ્માદ્વૈ બ્રાહ્મણાનાં ગૌર્દુરાધર્ષા વિજાનતા

વજ્રો ધાવન્તી વૈશ્વાનર ઉદ્વીતા

હેતિઃ શફાન્ ઉત્ખિદન્તી મહાદેવોઽપેક્ષમાણા

ક્ષુરપવિરીક્ષમાણા વાશ્યમાનાભિ સ્ફૂર્જતિ

મૃત્યુર્હિઙ્કૃણ્વત્યુગ્રો દેવઃ પુચ્છં પર્યસ્યન્તી

સર્વજ્યાનિઃ કર્ણૌ વરીવર્જયન્તી રાજયક્ષ્મો મેહન્તી

મેનિર્દુહ્યમાના શીર્ષક્તિર્દુગ્ધા

સેદિરુપતિષ્ઠન્તી મિથોયોધઃ પરામૃષ્ટા

શરવ્યા મુખેઽપિનહ્યમાન ઋતિર્હન્યમાના

અઘવિષા નિપતન્તી તમો નિપતિતા

અનુગચ્છન્તી પ્રાણાન્ ઉપ દાસયતિ બ્રહ્મગવી બ્રહ્મજ્યસ્ય