અથર્વવેદ · અધ્યાય 1.19

મા નો વિદન્ વિવ્યાધિનો મો અભિવ્યાધિનો વિદન્ ।
આરાચ્છરવ્યા અસ્મદ્વિષૂચીરિન્દ્ર પાતય

વિષ્વઞ્ચો અસ્મચ્છરવઃ પતન્તુ યે અસ્તા યે ચાસ્યાઃ ।
દૈવીર્મનુષ્યેષવો મમામિત્રાન્ વિ વિધ્યત

યો નઃ સ્વો યો અરણઃ સજાત ઉત નિષ્ટ્યો યો અસ્મામભિદાસતિ ।
રુદ્રઃ શરવ્યયૈતાન્ મમામિત્રાન્ વિ વિધ્યતુ

યઃ સપત્નો યોઽસપત્નો યશ્ચ દ્વિષન્ છપાતિ નઃ ।
દેવાસ્તં સર્વે ધૂર્વન્તુ બ્રહ્મ વર્મ મમાન્તરમ્