અમોઘપાશહૃદયસૂત્ર (અન્ય આવૃત્તિ) · ભાગ 11

॥ આર્ય અમોઘપાશહૃદય નામ મહાયાનસૂત્રમ્ ॥
॥ ઓમ્ નમો ભગવતે આર્ય અમોઘપાશહૃદય ॥
એવં મયા શ્રુતમ્ - એકસ્મિન્ સમયે ભગવાન્ પોતલકે પર્વતે વિહરતિ સ્મ । આર્યાવલોકિતેશ્વરસ્ય ભવને અનેકશાલતમાલચમ્પકાશોકાતિમુક્તક નાનાવૃક્ષસમલઙ્કૃતે । મહતાભિક્ષુસંઘેન સાર્દ્ધમષ્ટાદશભિર્ભિક્ષુસહસ્રૈઃ । નવનવતિભિશ્ચ બોધિસત્ત્વકોટિનિયુતશતસહસ્રૈઃ । અનેકૈશ્ચ શુદ્ધાવાસિકૈર્દેવપુત્ર કોટિનિયુતશતસહસ્રૈઃ પરિવૃતઃ પુરસ્કૃત ઈશ્વરમહેશ્વરબ્રહ્મકાયિકાન્ દેવપુત્રાન્ અધિકૃત્ય ધર્મ દેશયતિ સ્મ ।
અથ ખલુ આર્યાવલોકિતેશ્વરો બોધિસત્ત્વો મહાસત્ત્વ ઉત્થાયાસનાદેકાં સમુત્તરાસંગં કૃત્વા દક્ષિણં જાનુમણ્ડલં પૃથિવ્યાં પ્રતિષ્ઠાપ્ય યેન ભગવાન્ તેનાઞ્જલિં કૃત્વા પ્રણમ્ય પ્રહસિતવદનો ભૂત્વા ભગવન્તમેતદવોચત્ ।
અસ્તિ મમ ભગવન્ અમોઘપાશરાજન્નામ હૃદયં યન્મયા પૂર્વ્વમેકનવતિમે કલ્પે વિલોકિતાયાં લોકધાતૌ લોકેન્દ્રરાજો નામ તથાગતસ્ય સકાશાદુદ્ગૃહીતમ્ । યેન ભગવન્નીશ્વર દેવમહેશ્વર દેવપુત્રપ્રમુખાનિ વહૂનિ શુદ્ધાવાસિકાયિક દેવપુત્રપ્રમુખાન્યનેકદેવપુત્રશતસહસ્રાણિ સમાદાપિતાન્યનુત્તરાયાં સમ્યક્સમ્બોધૌ અસંમોહજ્ઞાનવ્યૂહપ્રમુખાનિ ચ મયા દશસમાધિશતસહસ્રાણિ પ્રતિલબ્ધાનિ । યસ્મિંશ્ચ પુન ર્ભગવન્ પૃથિવી પ્રદેશે ઇદમમોઘપાશહૃદયં પ્રચરેત્ । વેદિતવ્યં ભગવન્ સ્તસ્મિન્ પૃથિવીપ્રદેશે ઈશ્વરમહેશ્વરબ્રહ્મકાયિકપ્રમુખાનિ દ્વાદશદેવપુત્રશતસહસ્રાણિ રક્ષાવરણગુપ્તયે સ્થાસ્યન્તિ । ચૈત્યસમ્મતો ભગવન્ પૃથિવીપ્રદેશો ભવિષ્યતિ । યત્રેદમ્ અમોઘપાશહૃદયં પ્રચરિષ્યતિ । અનેક બુદ્ધકોટિ નિયુતશતસહસ્રાવરોપિતકુશલમૂલાસ્તે ભગવન્ સત્ત્વા ભવિષ્યન્તિ । ય ઇદંમદીયમ્ અમોઘપાશહૃદયં શ્રોષ્યન્તિ । યઃ કશ્ચિદભગવન્ કિલ્વિષકારી સ્યાત્ । સર્વ્વપાપાસ્પદઃ પાપધર્મ્મસમાચારઃ આર્યાપવાદકઃ સધર્મપ્રતિક્ષેપકઃ । અવીચિપરાયણઃ સર્વબુદ્ધબોધિસત્ત્વ આર્ય શ્રાવકપ્રત્યેક બુદ્ધ પ્રતિક્ષેપકઃ । સ ચેદ્વિપ્રસારં ગચ્છેત્ । આપભ્યાં સમ્વરમાપદ્યતે ।
યસ્યૈવ તાવદ્ભગવન્ એકોપવાહો જાપેન ઇહૈવ જન્મનિ તત્કર્મ વિશુધ્યતિ । પરિક્ષયં ગચ્છતિ વાન્તિભવતિ । એકાહિકેન જ્વરેણ દ્વાહિકેન ત્રાહિકેન વા ચાતુર્થિકેન વા એવં સપ્તાહિ કેન વા જ્વરેણ । અક્ષિશૂલેન વા કર્ણ શૂલેન વા નાસાશૂલેન વા । દંતોષ્ઠશૂલેન વા જિવ્હાશૂલેન વા । તાલુશૂલેન વ હૃદયશૂલેન વ ઉદરશૂલેન વા પાર્શ્વશૂલેન વા કટિશૂલેન વા અઙ્ગપ્રત્યઙ્ગશૂલેન વા અર્શગ્રહણીશૂલેન વા અતિસારેણ વા હસ્તપાદવેદ નયા વા શિરોરુજા વ વલાહકશ્ચિત્ર કુષ્ઠશ્રિયર્ચ્ચિકા કિરીમલોહલિઙ્ગલગ્રહભગણ્ડલવિસ્ફોટક અપસ્માર કાખોર્દ્દખ્યૈ ર્વાકૃતાપકૃત્યૈવા વંન્ધનં વન્ધનતાડન તર્જ્જના ભૂતાખ્યનૈર્વા । સંક્ષેપતો ભગવન્ કાયપીડયાવા ચિત્તપીડયા વા દુસ્વપ્નદર્શનં વા તત્કર્મપરિક્ષયં ગચ્છતિ । પર્યવદાનં ગચ્છતિ । પ્રાગેવ શુદ્ધસત્ત્વાનાં શ્રદ્ધાધિમુક્તિકાનાં યદિ ભગવન્ ચતસ્રઃ પરિષદશ્ચત્વારો વર્ણા યામા યા સાથેનાપિય ઇદમદિયમ અમોઘપાશહૃદયં શ્રોષ્યન્તિ । ઉદ્ગ્રહીષ્યન્તિ ધારયિષ્યન્તિ વાચયિષ્યન્તિ લિખિષ્યન્તિ લિખાપયિષ્યન્તિ પર્યવાપ્સ્યન્તિ અન્યેષાં સત્ત્વાનાં શ્રાવયિષ્યન્તિ અન્તસ્તિર્યગ્યોનિગતાનાં વા સત્ત્વાનાં કર્ણાપૂટસ્થિત્વા કર્ણજાપં દાષ્યન્તિ । ઇમાનિચ મન્ત્રપદાનિ ચિન્તયિષ્યન્તિ । અપ્રતિક્ષેપતઃ અસંપ્રભવતઃ । અવિરંગમતઃ અકરણતઃ નિઃક્લેશતઃ સમચિન્તાક્ષેપકઃ વિરહિતપંચસ્કન્ધસ્વભાવેન । અનેન યોગેન બુદ્ધાનુસ્મૃતિઃ કર્ત્તવ્યા । તેષાં દશભ્યો દિગ્ભ્યો બુદ્ધસહસ્રં સંમુખં દર્શનં કરિષ્યન્તિ । અત્યયદેશનાં ચ કરિષ્યન્તિ । પેયાલં । યાવત્પુસ્તકલિખિતં વા કૃત્વા ગૃહે સ્થાપયિષ્યન્તિ । કિં બહુના ભગવન્નન્યોન્યશ્રદ્ધયા વા શ્રોષ્યન્તિ । સ્વામિભયેન વા પરાનુત્તરા વા । ઉચ્ચગ્ધનહેતુના વા શ્રોષ્યન્તિ । જ્ઞાતવ્યમિતિ ભગવન્ પણ્ડિતે નાર્યાવલોકિતેશ્વરસ્યાનુભાવેન તેષાં કર્ણપુટે શબ્દો નિશ્ચરતિ ।
તદ્યથાપિ નામ ભગવન્ કશ્ચિદેવપુરૂષશ્ચન્દનં વા કપૂરં વા કસ્તુરિકં વા આકૃષ્ય પરિભાષ્ય શિલાયાં વા પિષ્ટ્વા આત્માનં લેપયેત્ । ન તસ્ય ચન્દનસ્ય કપુરકસ્ય કસ્તુરિકાયા વા । એવં ભવત્યનામાકૃષ્ટઃ પરિભાષિતો વા ગન્ધેનાતિ ક્રમિષ્યામિતિ । અપિ ચ ગન્ધ એવ સ એવ મેવ ભગવનિદં મદોયમમોઘપાશન્નામ હૃદયં યઃ કશ્ચિદુદ્ગ્રાસ્દ્ય ઉલ્લાપ્ય । પેયાલં । યાવત્માયાશબ્દેનાપાથેયે નાપિ પૂજયેત । તેષાં ભગવન ખકાનાં સત્ત્વાનાં સ એવ કુશલમૂલ હેતુર્ભવિષ્યતિ । યત્ર યત્રોપપત્સ્યન્તે તત્ર તત્ર વિરહિતાશ્ચ ભવિષ્યન્તિ । શીલસમાધિપ્રજ્ઞાપુણ્યસમ્ભારગન્ધેન શીલસૌગન્ધિકમેવ કરોતિ । યઃ કશ્ચિત્ ભગવન્ કુલપુત્રો વા કુલદુહિતા વા ભિક્ષુર્વા ભિક્ષુણી વા ઉપાશકો વા ઉપાશિકા વા । તદન્યો વા કશ્ચિદમોઘપાશહૃદયમુદ્દિસ્યશુક્લાષ્ટમ્યામુપવાસં કુર્યાત્ । સપ્તવારાન્ અમોઘપાશહૃદયમનાલપતઃ આવર્ત્તયેત્ । તસ્ય ભગવન્ દૃષ્ટ એવ ધર્મ્મ વિશતિરનુશંસઃ પ્રતિકાંક્ષિતવ્યાઃ । કતમે વિંશતિઃ? યદુત રોગાશ્ચાસ્ય કાયેનોપપત્સ્યન્તે । ઉત્પનાશ્ચાસ્ય રોગાઃ કર્મ્મવશેન શીઘ્રં પ્રસમં યાસ્યન્તિ । સ્નિગ્ધમનોજ્ઞસાશ્લક્ષ્લગાત્ર શ્ચ ભવિષ્યતિ । વહુજનપ્રિયશ્ચ ભવિષ્યતિ । ગુપ્તેન્દ્રિર્યા ઽર્થ પ્રતિલમ્ભશ્ચ ભવિષ્યતિ । ઉત્પન્નાંશ્ચ ઽર્થેમ્યો પ્રતિલપ્સ્યતે ।
અગ્નિના દહ્યન્તે નોદકેન હ્રીયન્તે । રાજા ન શક્નોતિ મનસા પાપહર્તુમ્ । કર્માન્તશ્ચાસ્ય સ્ફીતા ભવન્તિ । નાશનિનોદકભયં ભવિષ્યતિ । ન વાતવૃષ્ટિભયં ભવિષ્યતિ । સપ્તવારાન અમોઘપાશહૃદયેન ભસ્મોદકં વા પરિજપ્ય દિગવિદિગૂર્દ્ધં ચ ક્ષેત્રસ્ય વન્ધો દાતવ્ય । સર્વોપદ્રવા ઉપશમિસ્યતિ । ન ઓજોહારા ઓજોપહરન્તું શક્નુવન્તિ । સર્વસત્ત્વાનાં પ્રિયો ભવિષ્યતિ । મન આપશ્ચ ભવિષ્યતિ । શત્રુ ભયં ચાસ્ય ન ભવિષ્યતિ । ઉત્પન્નચાસ્ય શત્રુ ભયં શીઘ્રં પ્રશમં યાસ્યતિ । ન ચાસ્ય મનુષ્યભયં ભવિષ્યતિ । ન કાખોર્દ્ધભયં ન ચાસ્ય ડાકિનીભયં ન ચાસ્ય તીવ્રાઃ ક્લેશોપક્લેશા ભવિષ્યન્તિ । નાગ્નિના ન શસ્ત્રેણવિષેણં કાલં કરિષ્યન્તિ । દેવતાચાસ્ય સતત સમિતં રક્ષાવરણગુપ્તયે સ્થાસ્યન્તિ । યત્ર યત્રોપપત્સ્યન્તે તત્ર તત્રાવિરહિતશ્ચ ભવિષ્યતિ મૈત્રીકરૂણામુદિતોપેક્ષાયાઃ । ઇમે વિશતિરનુશંસાઃ પ્રતિકાંક્ષિતવ્યઃ ।

અપરાનષ્ટૌ ધર્માન્ પ્રતિલપ્સ્યન્તે । કતમાનષ્ટૌ? મરણકાલસમયે આર્યાવલોકિતેશ્વરો ભિક્ષુરૂપેણ સમ્મુખદર્શનં દાસ્યન્તિ ॥ 1 ॥ સસુખેનકાલં કરિષ્યતિ ॥ 2 ॥ ન ભ્રાન્તદૃષ્ટિર્ભવિષ્યતિ ॥ 3 ॥ ન હસ્તવિક્ષેપં કરિષ્યતિ ॥ 4 ॥ ન પાદવિક્ષેપં કરિષ્યતિ ॥ 5 ॥ નોચ્ચારણન્નપ્રસ્રાવં ન ચારૂઢ કાલં કરિષ્યતિ ॥ 6 ॥ સુખપ્રતિષ્ઠિત સ્મૃતિર્ભવિષ્યતિ ॥ 7 ॥ નાધોમુખકાલં કરિષ્યતિ ॥ 8 ॥ મરણકાલે અક્ષયપ્રતિભાનં ચાસ્ય ભવિષ્યતિ । યત્ર ચાસ્ય બુદ્ધક્ષેત્રે પ્રણિધિસ્તત્રોપપત્તિર્ભવિષ્યતિ । અવિરહિતશ્ચ કલ્યાનમિત્રા ભવિષ્યન્તિ । દિને દિને ત્રિષ્કાલં ત્રિણિ વારાન્ પરિઆવર્ત્તયિતવ્યં ।
મદ્યમાંસપાલાણ્ડુગું કૃતોચ્છિષ્ઠં વિષયર્ધિનાજ્યતે વર્જ્જયિતવ્યં । અયં ચામોઘપાશહૃદયો નામ ધર્મપર્યાયઃ સર્વસત્વાનાં ચ વલાવલં જ્ઞાત્વા શ્રાવયિતવ્યમ્ । આચાર્યમુષ્ટિર્ન કર્ત્તવ્યાઃ । યસ્માદ્વિગતો મલમાત્સર્યોબ્યાપગતો બોધિસત્ત્વા ભવન્તિ । સત્વાનામાર્થકરણેન બુદ્ધબોધિઃ પ્રાપ્યતે બોધિરિત્યુચ્યતે પ્રજ્ઞાસત્ત્વ ઇત્યુપાયઃ ॥ એતૌ દ્વૌધર્મ્મી સત્ત્વાર્થે નૈવ પ્રાપ્યતે । સચેત્મે ભગવન્ અનુજાની યાત્ । ઇદં હૃદયં તથાગતસ્ય પુરતઃ કીર્ત્ત યેયં ચતસૃણાં પર્ષદામ્ અર્થાયબોધિસત્ત્વં મહાસત્ત્વમેતદવોચત । ભાષત્વં શુદ્ધસત્ત્વાય યસ્યેદાનિં કાલ મન્યસે ।
અનુમોદિતં તથાગતેન પશ્ચિમે કાલે પશ્ચિમે સમયે બોધિસત્ત્વયાનિકાનાં પિતૃકાર્યકરિષ્યન્તિ । અથ ખલુ આર્યાવલોકિતેશ્વરો બોધિસત્ત્વો મહાસત્ત્વો ઽનિભિષનયનો ભૂત્વા ભગવન્ત મેતદબોચત । શૃણુ મે ભગવન્ સર્વબોધિસત્ત્વ નમસ્કૃતમિદં વિમોક્ષમુખમણ્ડલં બહુજનહિતાય બહુજનસુખાય લોકાનુકમ્પાયૈ મહતો જનકાયસ્યાર્થાય હિતાય સુખાય ॥ નામસ્ત્ર્યધ્વાનુગતપ્રતિષ્ઠિતેભ્ય સર્વબુદ્ધબોધિસત્ત્વેભ્યો નમઃ પ્રત્યેકબુદ્ધાર્યશ્રાવક સંઘેભ્યો ઽતીતાનાગતપ્રત્યુત્પન્નેભ્યો નમઃ સમ્યગ્ગતાનાં । નમઃ સમ્યકપ્રતિપન્નાના । નમઃ શારદ્વતીપુત્રાય મહાદાનપતયે । નમઃ આર્યામૈત્રેયપ્રમુખેભ્યો મહાબોધિસત્ત્વસંઘેભ્યઃ નમો ઽતીતાનાગતપ્રત્યુત્પન્નેભ્યસ્તથાગતેભ્યો ઽર્હત્સંમ્યકસમ્બુદ્ધેભ્યો । નમઃ સુવર્ણવર્ણપ્રભાય તથાઅગતાય । નમઃ સિંહવિક્રીડીતરાજાય તથાગતાય । નમો વિપશ્વિને તથાગતાય । નમઃ શિખિને તથાગતાય અર્હતે સમ્યક્ સમ્બુદ્ધાય । નમો વિશ્વભુવે તથાગતાય । નમઃ ક્રકુચ્છન્દાય તથાગતાય । નમઃ કનકમુનયે તથગતાય । નમઃ કાશ્યપાય તથાગતાયા । નમઃ શાક્યમુનયે તથગતાર્યાર્હતે સમ્યક્સમ્બુદ્ધાય ॥ તદ્યથા ॥
ઓમ્ મુને મુને મહામુનયે સ્વાહા । ઓમ્ સમે સમે મહાસમે રક્ષ રક્ષ માં સર્વસત્ત્વાનાંચ સર્વપાપપ્રસમને સ્વાહા ॥ ॥ ॥ નમઃ સુપરિકીર્ત્તિત નામ ધેયાય તથાગતાયા । નમઃ સમન્તાવભાસવિજિતસંગ્રામશ્રિયે તથાગતાય । નમઃ ઇન્દ્રકેતુધ્વજશ્રિયે તથાગતાય અર્હતે સમ્યક્સમ્બુદ્ધાય । નમો વિક્રાન્તગામિને તથાગતાયાર્હતે સમ્યક્સમ્બુદ્ધાય । નમો બુદ્ધાય નમો ધર્માય નમઃ સંઘાય । નમો અતીતાનાગત પ્રત્યુત્પન્નેભ્યો બુદ્ધેભ્યો ભગવદ્ભ્યઃ ॥ તદ્યથા ॥
સ્મૃતિવર્દ્ધનિ ગતિવર્દ્ધનિ ધૃતિવર્દ્ધનિ પ્રજ્ઞાવર્દ્ધનિ પ્રતિભાનવર્દ્ધનિ ધ્યાનવર્દ્ધનિ સમર્યવર્દ્ધનિ સર્વબોધિપક્ષધર્મ્મવર્દ્ધનિ સકલબુર્દ્ધધર્મપરિપૂણીયે સ્વાહા ॥ ॥ નમો રત્નત્રયાય નમો આર્યાવલોકિતેશ્વરાય બોધિસત્ત્વાય મહાસત્ત્વાય મહાકારૂણિકાય । એભ્યો નમસ્કૃત્વા ઇદમાર્યાવલોકિતેશ્વરમુખોઙ્ગીર્ણમમોઘપાશરાજન્નામ હૃદયં તથાગત સંમુખભાષિતં મહતા પર્ષત મધ્યે અહમિદાનિંમાવર્ત્તયિષ્યે સિધ્યન્તુ મે મન્ત્રપદા સર્વ્વકાર્યાણિ ।
સર્વભયેભ્યો મમ સર્વસત્ત્વાનાંચ રક્ષા ભવતુ ॥ તદ્યથા ॥
ઓમ્ ચર 2 ચિરિ 2 ચુરૂ 2 મર 2 મિરિ 2 મુરૂ 2 મહાકારૂણિક । સર 2 સિરિ 2 સુરૂ 2 ચુરૂ 2 ચિરિ 2 વિરિ 2 પિરિ 2 મિરિ 2 મહાપદાહસ્ત । કલ 2 કિલિ 2 કુલુ 2 મહાશુદ્ધસત્વા । બુદ્ધય 2 બોધ 2 બોધિ 2 બોધય 2 કણ 2 કિણિ 2 કુણુ 2 પરમશુદ્ધસત્ત્વ । કર 2 કિરિ 2 કુરૂ 2 મહાસ્થામપ્રાપ્ત ॥ ચલ 2 સંચલ 2 વિચલ 2 એટટ 2 ભર 2 ભિરિ 2 ભુરૂ 2 તર 2
તિરિ 2 તુરૂ 2 એહિ મહાકારૂણિક । મહાપશુપતિવેશધર । ધર 2 ધિરિ 2 ધરૂ 2 તર 2 સર 2 ચર 2 પર 2 વર 2 મર 2 લર 2 હર 2 હાહા હીહી હૂહૂ ॥
ઓમ્ કાર બ્રહ્મેશ ધર । ધર 2 ધિરિ 2 ધુરૂ 2 તર 2 સર 2 ચર 2 પર 2 વર 2 હર હરા રસ્મિસહસ્રપ્રતિમણ્ડિશરીરા । જ્વેલ 2 તપ 2 ભાસ 2 ભ્રમ 2 ભગવન સોમાદિત્ય યમવરૂણકુવેરબ્રહ્મેન્દ્રવાયુઅગ્નિધનદ ઋષિ દેવગણેભ્યર્ચિતચરણ । સુરૂ 2 ચુરૂ 2 મુરૂ 2 ધુરૂ 2 સનત્કુમારરુદ્રવાસવવિષ્ણુધનદવાયુઅગ્નિ ઋષિ નાયકવિનાયક । બહુવિવિધવેશધર । ધર 2 ધિરિ 2 ધુરૂ 2 તર 2 થર 2 ધર 2 પર 2 લર 2 હર 2 યર 2 સર 2 વર 2 વરદાયક સમન્તાવલોકિત લોકેશ્વર ત્રિભુવનેશ્વરસર્વ્વગુણ સમલઙ્કૃત અવલોકિતેશ્વર । મુહુ 2 મુરૂ 2 મુય 2 મુંચ 2 રક્ષ 2 માં સર્વસત્વાનાંચ સર્વભયૈભ્યઃ સર્વોપદ્રવેભ્યઃ સર્વોપસગેભ્યઃ સર્વગ્રહેભ્યઃ સર્વવ્યાધિભ્ય । સર્વવિષેભ્યઃ સર્વજ્વરેભ્યઃ ।
એવં વન્ધ વન્ધન તાડન તર્જ્જન રાજ તસ્કરાગ્ન્યૂદક વિષશસ્ત્રપરિમોચક ॥ કણ 2
કિણિ 2 કુણુ 2 ચર 2 ચિરિ 2 ચુરૂ 2 ઇન્દ્રિયબલબોધ્યઙ્ગચતુરાર્યસંપ્રકાશક ॥ તમ 2 દમ 2 સમ 2 મસ 2 ધમ 2 મહકારૂણિક મહાતમોન્ધકારવિધમન ષડ્પારમિતા પરિપૂરક ॥ મલ 2 મિલિ 2 મુલુ 2 । ટ ટ ટ ટ । ઠ ઠ ઠ ઠ । ડિ ડિ ડિ ડિ । ટુ ટુ ટુ ટુ । ઠિ ઠિ ઠિ ઠિ । ધુ ધુ ધુ ધુ । એનેય ચર્મકૃતપરિકર । એહે હિ મહાકારૂણિક । ઈશ્વર મહેશ્વર મહાભૂત ગણસંભંજક । કર 2 કિરિ 2 કુરૂ 2 પર 2 હર 2 હિરિ 2 વર 2 સર 2 કર 2 કટ 2 કિટિ 2 કુટુ 2 મટ 2 । મહાશુદ્ધસત્ત્વ વિષયનિવાસિન મહાકારૂણિક શ્વેતયજ્ઞોપવિતરત્ન મકુટ માલાધર । સર્વજ્ઞશિરસિ કૃત જટામકુટ મહાદ્ભુત કમલાલઙ્કૃત કરતલધ્યાનસમાધિવિમોક્ષં અપ્રકમ્પ્ય બહુસત્ત્વ સન્તતિપરિવારક । મહાકારૂણિક્ સર્વકર્માબરણવિશોધક । સર્વજ્ઞજ્ઞાનપરિપૂરક । સર્વવ્યાધિપરિમોચક । સર્વસત્ત્વાન્ પરિપૂરક । સર્વસત્ત્વસમા સ્વાસનકરાય નમો સ્તુતે સ્વાહા ॥ અમોઘાય સ્વાહા । અમોઘપાશાય સ્વાહા । અજિતાય સ્વાહા । અપરાજિતાય સ્વાહા । અમિતાભાય સ્વાહા । અમિતાભસુતાય સ્વાહા । મારસૈન્યપ્રમર્દ્દનાય સ્વાહા । અભયપ્રદાય સ્વાહા । યમાય સ્વાહા । વિજયાય સ્વાહા । જય વિજયાય સ્વાહા । ઇદંચમેકર્મ કર નમો સ્તુતે સ્વાહા । ઓમ્ રણ રણ ઓમ્ ફટ્ સ્વાહા । ઓં જય હું ફટ્ સ્વાહ । ઓં જુપિ સ્વાહા । ઓં જય સ્વાહા । ઓં હ્રીઃ ત્રૈલોક્યવિજયામોઘપાશપ્રતિહત હ્રીં હઃ હૂં ફટ્ સ્વાહા । ઓં વસુમતિ સ્વાહા । ઓં આરોલીક સ્વાહા । ઓં બહુલે બહુલે સ્વાહા । ઓં આરોલિક હ્રીં હ્રીં હૂં ફટ્ સ્વાહા ॥ ॥

સર્ષપરવદિરકીલકાદ્યૈઃ સર્વજ્વરેષુ સૂત્રકં વન્ધયિતવ્યં સર્વવ્યાધિષુ ઘૃતતૈલમુદકં વા પરિજપ્ય દાતવ્યં । કાખોર્દચ્છેદનં રક્ષા સૂત્રેણ શસ્ત્રેણ ઉદરશૂલેન લવણોદકં વિષ નાશનં મૃત્તિકયા ઉદકેન વા ચક્ષુરોગેન શ્વેતસૂત્રકં કર્ણે વન્ધયિતવ્યં । દન્ત શૂલે કરવીરદન્તકાષ્ઠં । સીમાવન્ધે પંચરઙિગકસૂત્રકમેકવિંશતિવારાન્ પરિજપ્ય ચતુઃષુ ખદિરકીલેષુ વદ્ધ્વા ચતુર્દ્દિશં નિખાતવ્યં સિમા વન્ધો ભવતિ । સર્વરક્ષા સૂત્રકેન ઉદકેન ભસ્મકેન વા સર્વગ્રહેષુ । પંચરઙિગક સૂત્રકં સર્વજ્વરેષુ શ્વેતસૂત્રકં સર્પ્પકીઠલૂતલોહલિઙ્ગલ ગ્રહેષુ । મધુપિપ્પલીયુતં ચક્ષુરોગે । ગન્ધોદકં પલાશોદકં મધૂયષ્ટ્યુદક વા સર્વકલિકલહ વિવાદેભ્યઃ આખ્યાનેષુ ઉદકં પરિજપ્ય મુખપ્રક્ષાલયિતવ્યં । પરવિષયરાજ્યરાષ્ટ્રકેષુ પૂર્ણકલશં સ્થાપયિત્વા શૂચિનાસૂચિવસ્ત્રપ્રાવૃતેન મહતી પૂજાં કૃત્વા બાચયિતવ્યં । મહાશાન્તિ ભવતિ । તેન ચોદકેન સેક્તવ્યં સર્વસત્ત્વાનાં રક્ષા કૃતા ભવતિ ।
સર્વેત્યુપદ્રવોપસર્ગાઃ પ્રશામ્યન્તિ । મુદ્રિતાયા ચન્દનતિલકં હૃદયે એકવિંશતિવારાન્ પરિજપ્ય કર્તવ્યં સર્વાનન્તર્યાણિ ક્ષયં યાન્તિ । સતતં જાપેન ગૃહરક્ષા । પદ્મ હોમેન સર્વસત્ત્વરક્ષા । ચન્દનહોમેન સર્વભૂતગ્રહરક્ષા જય વિજયા । અપરાજિતાનાકુલી । ગન્ધનાકૂલી ધારણી અભયપાણિ । ઇન્દ્રિયપાણિ । ગન્ધઃ પ્રિયંગુ તગરચક્રા મહાચક્રાવિષ્ણુક્રાન્તા સોમરાજી સૂનન્દા ચેતિ । એષં યથા સંભવતઃ । અષ્ટોત્તરશતવારાન્ પરિજપ્ય મણિં કૃત્વા શિરસિ બાહૌ વા ધારયિતવ્યં । બાલાનાં ગલેનારીણાં વિલગ્ને સ્વયં પરં સૌભાગ્યકરં । મણે લક્ષ્મીપ્રસમનાં પુત્રદં ચ । એતેન મણિવદ્ધેન સર્વરક્ષા કૃતા ભવતિ । વિષાગ્નિનં ક્રમતિ ।
વિષકૃતત્પદ્યતે । ઉત્પન્ના અપિ ન પીડાં જનયિષ્યન્તિ । શીઘ્રં પ્રસમયિષ્યન્તિ । વાતમેધાશનિસ્તંભનં વારિણા કરવિરલતયા સર્વકર્મકરમ્ ॥ આર્યાવલ્લોકિતેશ્વરહૃદયં પરમસિદ્ધમસસાધિત મેતે તાનિ કર્મ્માણિ કુરુતે । અથ સાધયિતુમિચ્છન્ દ્વિધિઃ । પટે ઽશ્લેષં કૈર્વર્ણકૈર્બુદ્ધપ્રતિમામાલિખ્ય આર્ય્યાવલોકિશ્વરો જટામકુતધારી એણેય ચર્મકૃતપરિકરઃ પશુપતિવેશધર સર્વાલઙ્કારવિભૂષિતં કૃત્વા પોષધિકેન ચિત્રકરેણ ચિત્રાપયિતવ્યઃ । તતઃસાધકેન તસ્યાગ્રતઃ ગોમયેન મણ્ડલં કૃત્વા શ્વેતપુષ્પાવકીર્ણ અષ્ટાઉ ગન્ધોદકપૂર્ણકુમ્ભાઃ સ્થાપયિતવ્યાઃ । અષ્ટાવુપહારાઅશ્ચતુઃ ષષ્ઠિરૂપકરણાનિ । વલિ માન્સં ચ રૂધિરબર્જ્જિતં અગરૂધૂપં દહતા વિદ્યાઅષ્ટમસહસ્રં જાપયિતવ્યા । અહોરાત્રોષિતેન રાત્રોષિતેન વા । ત્રિશૂક્લભોજિન ત્રિષ્કાલસ્નાપયિતા શૂચિવસ્ત્રપ્રાવૃત્તો ભૂત્વા જપા દાતવ્યં । અતઃ પ્રતિમાયા ઽર્પતઃ આત્માનં ચ લિખિતં પશ્યતિ । તદ્દષ્ટ્વા ચ પ્રહૃષ્યતિ યાવત્ સ્વપ્નને વા આર્યાવલોકિતેશ્વરો આગચ્છતિ । સર્વેસા પરિપૂરયતિ । મનઃ શિલાં રજતં વા પરિજપ્ય ક્ષીણાંજયિત્વા તતોઅન્તર્હિતો ભવતિ । આકાશે ક્રામતિ । અસંમોહવ્યૂહ નામ સમાધિં પ્રતિ લભતે । યદિચ્છતિ તત્કરોતિ એવ સાધક ઇતિ ॥ ॥
ઇદમવોચત્ ભગવાનાત્તમના આર્યાવલોકિતેશ્વરો બોધિસત્ત્વો મહાસત્ત્વ રૂતેચ ભિક્ષવરૂતે ચ બોધિસત્વાસ્તે શુદ્ધાવાસકાયિકાશ્ચ દેવપુત્રાઃ સદેવમાનુષાસુર ગન્ધર્વશ્ચલોકો ભગવતો ભાષિતમભ્યનન્દન્નિતિ ॥ ॥
॥ આર્યામોઘપાશહૃદયં નામ મહાયાન સૂત્રં સમાપ્તસ્ ॥
યે ધર્મ્મા હેતુપ્રભવા હેતુસ્તેષાં તથાગતઃ ।
હ્યવદત્તેષાંચ યો નિરોધ એવં વાદી મહાશ્રમણઃ ॥